Ngā Tohutohu
Tirohia te whakaahua nei, ka pānui ai i ngā kōrero e whai ake nei. Tuhia ngā mea o ngā kōrero kāore i te rite ki te whakaahua. Kei te whārangi 108 me te whārangi 109 o Te Kākano ētahi momo kōrero hei āwhina i a koe ki te whakaoti i tēnei mahi. Kimihia kia waru ngā mea kāore e rite ana.
[Illustration]
I a au e tamariki ana he roto e tata ana ki tō mātou tāone. He kōwhai me ētahi rākau māori e tipu ana i te taha o taua roto, ā, he pāmu hipi i ngā puke, engari, he ngahere kei runga i ngā tihi o ngā puke, kei ngā taha hoki o ngā awa e rere mai ana i ngā puke ki te roto. He mā te wai o te roto. Nō reira, he wāhi ātaahua mō te haere ki te kai, ki te kaukau i ngā rangi mahana. He maha ngā manu e tangi ana, he karoro e rere ana me ngā kererū i ngā rākau māori e kai ana.
I tētahi rā ka tae mai tō mātou whānau ki reira ki te kaukau, ki te whakatā, ki te tunu i ētahi kai. Nā tō mātou matua ā mātou kai i tunu. Ka tae mātou ki reira, ka whakatūria tō mātou tēneti e mātou, ā, ka tīkina he wahie e tō mātou matua hei tunu i ngā kai. I waiho tō mātou taraka i tahaki. I oma atu mātou ko aku tuāhine me aku tēina ki te kaukau, ā, i te nuinga o te wā i roto mātou i te wai e tākaro ana, he wera nō te rā. Ahakoa te wera o te rā, kāore he pōtae tō tō mātou matua i taua rā – i wareware i a ia, engari, he hamarara rahi mō tō mātou whaea rāua ko tō mātou tipuna wahine kei wera rāua i te rā. I wareware ō mātou tauera i a mātou i taua rangi.
He rangi ngahau taua rā, ā, kāore e wareware i a au nō te mea koia rā te rā whakamutunga e ora ana tō mātou kuia. I mate ia i taua pō.
