Ngā Tohutohu
He whakamārama mō ngā ingoa Māori mō te tangata. Pānuitia ngā kōrero e whai ake nei mō te whānau ka tuhi ai i tētahi whakapapa. Kimihia hoki ngā whakautu ki ngā pātai e toru.
Māori personal names that are not derived from common English names usually do not indicate what the gender of a person is. Read the following account about the family and draw a whakapapa to show the relationships, their ages and their gender. Also find the answers to these three questions.
1. Ko wai mā ngā ingoa o ngā tāngata katoa o te whānau?
2. E hia ngā tau o ngā tāngata katoa?
3. He aha ngā tāngata o te whānau?
Kei Ōtautahi tēnei whānau e noho ana ināianei. Nō Ngāti Kahungunu rātou. Tokotoru ngā tamariki o te whānau. Tekau mā rima ngā tau o te mātāmua. Ko Tai tana teina. Ko Moana te pōtiki. Kei te kura tuarua rātou e ako ana i te reo Māori. Kei te kaha a Tai rāua ko tana tuakana ki te purei whutupaoro. E rima tekau mā iwa ngā tau o te tipuna o Moana mā. Kei te ora tonu rāua ko tana wahine. Ko Kahu tana wahine. Me haere a Kahu ki te hōhipera ki te kite i tana hoa. Nō Ngāti Porou tana hoa. Kei te māuiui ia. Ko Rongo te tamāhine a Moe rāua ko Kahu. E ono tekau ngā tau o te whaea o Rongo. Tekau mā toru ngā tau o tētahi o ana mokopuna, te pōtiki o te whānau. Ko Tini te matua o Moko. Ko Moko te tungāne o Moana. E toru tekau mā tahi ngā tau o te whaea o Tai mā. E toru tekau mā rua ngā tau o te pāpā o Moana mā.
