Ngā Tohutohu
Tokorima ngā ākonga o te whare wānanga e noho ana i tētahi whare. Kua waiho tēnei reta e Rangi ki ōna hoa e noho ana i taua whare. Pānuitia te reta, ka whakautu ai i ngā pātai e whai ake nei:
2 i te ahiahi
Kia ora rā koutou
Kei riri mai koutou, engari, kāore e taea e au te kai o te pō nei te tunu. Kātahi anō taku whaiāipo ka whakamōhio mai kei te māuiui tana whaea. Nō reira, me hari au i a ia ki te hōhipera ināianei. Kāore e kore ka roa māua i te hōhipera. Kāore au i te mōhio ā hea ahau hoki mai ai ki te kāinga nei. He ika me ngā hēki kei roto i te whiriti mā koutou e tunu. He rīwai, he kāpeti, he kānga, ētahi kai kei roto i te kāpata mā koutou.
Hōri, kei a Mākere taku mahi mō taku akoranga reo Māori. Me tae atu ki Te Tari Māori i mua o te 5 karaka. Māu e hari ki reira. Tēnā rawa atu koe.
Mākere, kua pau te miraka me te pata. Māu, mā Tiāre rānei e hoko.
Merania, māu ngā kai e tunu i te pō nei, ā, māku e mahi ātahirā.
Kāti mō nāianei. Nā Rangi]
