Ngā Tohutohu
Pānuitia ngā kōrero nei mō te hui i te marae, ka whakautu ai i ngā pātai.
Read this text about the meeting at the marae and then answer the questions.
Nō te hāpāhi i te tahi karaka i tae mai ai te manuhiri ki te marae. Nō Ngāti Tūwharetoa rātou. Nō te tekau karaka i tae mai ai te tangata whenua ki te marae. I whakatika rātou i te wharekai me te wharenui mō te hui. Nā ngā wāhine me ngā tamariki ngā kai i whakareri. Nā Tāne mā te hāngī i whakareri. Ko Tāne te matua o Te Hererīpene mā. Nā Tāne ngā mīti i hari mai mō te hāngī. Nāna ngā mīti i hoko mai i te pūtia. Nā Ani ngā heihei i hoko mai. Ko Ani te wahine a Tāne. Nā Te Hererīpene mā ngā tēpu i whakareri. He parāoa rēwena, he pihikete me ngā keke kei runga i ngā tēpu.
Kua rua karaka te tāima ināianei. Kua tae katoa mai te manuhiri. Kei waho rātou i te kēti o te marae. Kei mua a Te Wharetoroa i te wharekai. Kua karanga ia ki te tangata whenua, “Kia tere, e hoa mā! Me haere tātou ki mua o te wharenui. Kua tae mai te manuhiri.”
Kua haere a Tāne mā ki mua i te wharenui ki te pōhiri i te manuhiri. Ko te Tūrei tēnei. Nō reira, me mahi ētahi tāngata o te kāinga nei. Tekau mā whitu ngā tāngata i tae mai ki te pōhiri i te manuhiri. Kua reri te kuia ki te karanga ki te manuhiri. Kei mua ia i te wharenui e tū ana. Kua tū te tangata whenua, engari, kua oma mai te kurī ki runga i te marae. Kei te whai tētahi tangata i te kurī. Kua māuiui te koroua o te tangata whenua. Kei te noho ia i runga i te tūru.
Kua reri te tangata whenua ināianei. Kei te karanga atu te kuia ki te manuhiri. Kei te whakaeke mai rātou. Kei te karanga mai te kuia o te manuhiri.
