Ngā Tohutohu
He kōrero atu anō – He kīwaha.
Anei ētahi atu anō kīwaha hei whakamahinga māu. Ko te tino pūtake o ēnei kīwaha, he kōrero hei akiaki, hei whakatenatena rānei i te tangata i roto i āna mahi.
Karawhiua!
Ko te tikanga o tēnei kīwaha, he karanga ki te tangata kia whakapau i ōna kaha katoa i roto i tāna e mahi ana.
Hei tauira:
Kia kaha te oma, e Pita. Karawhiua!
Run hard, Peter. Give it all you’ve got!
Tirohia ēnei tauira e whakamahia ana te kīwaha nei.
Ka pai, e Pita. I kite au i a koe e karawhiua ana!
Very good, Peter. I saw you giving it everything!
Me karawhiu!
Give it everything you’ve got!
Pānuitia ngā kōrero e whai ake nei e pā ana ki ētahi kīwaha. Ki ōu whakaaro, he aha te kīwaha e kōrerohia ake nei? Kua whoatu ētahi kōwhiringa hei āwhina i a koe. Tohua te kōwhiringa tika, tēnā pāwhiritia te pātene kia kite mehemea kua tika koe.
