Ngā Tohutohu
Pānuitia ngā kōrero e whai ake nei, ka tahi. Ka rua, whakautua ngā pātai.
E mōhiotia ana ngā mea katoa kei te rangi ko te whānau ariki, ko te whānau mārama anō hoki. Kitea ai te rā, te marama, ngā whetūao, ngā kāhui whetū, ngā auahi-tūroa, ngā matakōkiri me ngā whetū i reira. Ki tā ngā iwi Māori, he mokopuna ēnei nā Rangi-nui rāua ko Papa-tū-ā-nuku, ahakoa he rerekē ngā whakapapa a tēnā iwi, a tēnā iwi mō te whānau mārama.
I neherā he tohu nō te whānau mārama hei ārahi i te Māori, ahakoa ko ngā tohu o te tau, he whakatipu kai, he hī ika, he kimi kai, he aha atu rānei te mahi. E kiia ana ko te tātai arorangi te mātauranga mō te whānau mārama. He tohunga kōkōrangi anō ō ngā iwi Māori. Kua ngaro te nuinga o ngā kōrero o neherā mō te whānau mārama i te wehenga atu o ngā tohunga kōkōrangi ki tua o Paerau i te rautau tekau mā iwa.
