Ngā Tohutohu
Nā ngā rapirapitanga o te tītī ka mōhio ai rāua kei hea ngā manu
More about nō te, nā te and i te
Kua tūtaki kē koe i te whakamahinga o ēnei tūmomo kupu, kei te whārangi 123-124 o Te Pihinga ngā whakamāramatanga mō te whakamahinga o ngā kupu ‘nō te’ me te ‘i te’ hei kōrero mō ngā āhuatanga kua oti kē, e ai ki te reo Pākehā ko te when.
Tirohia ngā rerenga kōrero e whai ake nei.
Hei tauira:
Nā te haerenga mai o tōku pāpā, ka oti ai te whare.
When my dad father arrived, the house was finished.
Nā te haerenga mai a tōku pāpā, ka oti ai te whare.
When my dad father arrived, the house was finished.
Nā te putanga atu o te kiore, ka tau ngā wāhine.
When the mouse left, the women calmed down.
Nā te putanga atu a te kiore, ka tau ngā wāhine.
When the mouse left, the women calmed down.
I te kitenga tuatahi, atu i te kupu ‘a’ me te kupu ‘o’, he ōrite te whakamāramatanga Pākehā mō ia rerenga kōrero. Ko te rerekētanga ka kitea i roto i whakamahinga o te ‘a’ me te ‘o’.
Mehemea koe ka whakamahi i te kupu ‘a’ ko te tūingoa e whai ana i te ‘a’ te mea nui i roto i te rerenga kōrero, arā, ko ‘tōku pāpā’ me ‘te kiore’ tērā.
Mehemea koe ka whakamahi i te kupu ‘o’ ko te mahi kē te mea nui o te rerenga kōrero, arā, te ‘haerenga’ me te ‘putanga’.
He whakamārama, he tauira atu anō kei te whārangi 178-179 o Te Māhuri.
