Ngā Tohutohu
He aha koutou e whakarewa ai i te pata?
Asking why something will be done
Ko te kōrero e whai ake nei ka ako koe me pēhea te pātai mō tētahi mahi kāore anō kia mahia, ā, te take ka mahi i taua mahi. He āhua ōrite te whakatakotoranga o tēnei rerenga kōrero ki te rerenga kātahi anō koe ka ako i te mahi tuatoru o te Kōwae nei.
Ko te rerekētanga ka whakamahia ngā kupu ‘he aha’ i te tīmatanga o te rerenga kōrero, ā, ka tango atu i te kupu ‘i’ ka whakamahia kētia te kupu ‘e’, tirohia ēnei tauira.
Tauira 1:
He aha a Pita e haere ai ki te toa?
Why will Peter go to the shop?
He aha koe e hanga ai i tētahi whare?
Why will you build a house?
He aha kōrua e moe ai ki reira?
Why will you two sleep there?
Ka taea te kite ka noho te kupu mahi i waenga i ngā kupu ‘e ... ai’, ā, ka noho te mea, te tangata rānei ka mahi i te mahi i mua tonu o aua kupu. Tirohia ngā whakautu i raro iho nei. I te nuinga o te wā koinei te whakatakotoranga o te whakautu, ko te mea nui kia tīmata te rerenga kōrero ki ngā kupu ‘ki te’.
He aha a Pita e haere ai ki te toa?
Ki te hoko kai.
To buy food.
He aha koe e hanga ai i tētahi whare?
Ki te hanga whare mōku.
To build a house for myself.
He whakamārama, he tauira atu anō kei te whārangi 44 o Te Māhuri.
Whiriwhirihia te mea tika.
